दैलेखमा बिरामी बोकेको बोलेरो जिप २०० मिटर तल खस्यो, ६ जना घाइते

दैलेखमा बिरामी बोकेर सुर्खेततर्फ जाँदै गरेको बोलेरो जिप दुर्घटना हुँदा ६ जना घाइते भएका छन्।

सोमबार बिहान गुराँस गाउँपालिका–१ काफलतोलीस्थित कर्णाली राजमार्गमा जिप दुर्घटनामा परेको हो। जिप सडकबाट करिब २०० मिटर तल खसेको थियो।

दुर्घटनामा परी घाइते भएका ६ जनामध्ये चालकको अवस्था गम्भीर रहेको प्रहरीले जनाएको छ।

जिपले बिरामी लिएर दैलेखबाट सुर्खेततर्फ यात्रा गरिरहेको बेला कर्णाली राजमार्गको काफलतोलीमा दुर्घटना भएको हो। घाइतेहरूको उपचार भइरहेको छ भने दुर्घटनाबारे प्रहरीले थप विवरण सार्वजनिक गरेको छैन।