नवलपरासीमा यात्रुवाहक बस दुर्घटना, ६ जनाको मृत्यु, १० जना घाइते

नवलपरासी (बर्दघाट सुस्ता पूर्व)मा शनिबार बिहान यात्रुवाहक बस दुर्घटना हुँदा ६ जनाको मृत्यु भएको छ। दुर्घटनामा १० जना यात्रु घाइते भएका छन्।

विनयी त्रिवेणी गाउँपालिका–२ स्थित एस मोडमा बस दुर्घटनामा परेको हो। उक्त ठाउँ पूर्व–पश्चिम राजमार्गमा पर्छ।

जिल्ला प्रहरी कार्यालय नवलपरासी पूर्वले दुर्घटनाको विवरण दिएको छ। बस काठमाडौं आउँदै थियो। केही सञ्चारमाध्यमले बस नेपालगञ्जबाट र केहीले कोहलपुरबाट काठमाडौं आउँदै गरेको जनाएका छन्।

दुर्घटनाबारे सुरुमा आएका केही समाचारमा एक जनाको मृत्यु भएको उल्लेख थियो। पछिल्लो विवरणअनुसार मृत्यु हुनेको संख्या ६ र घाइतेको संख्या १० छ।