पूर्वराजा ज्ञानेन्द्रको दसैँ शुभकामना : शोकलाई शक्तिमा बदलेर अघि बढ्न आग्रह

पूर्वराजा ज्ञानेन्द्र शाहले विजया दशमी २०८३ का अवसरमा स्वदेश र विदेशमा रहेका सबै नेपालीलाई शुभकामना दिएका छन्। शुभकामना सन्देशमा उनले प्राकृतिक विपद्को सन्दर्भ उल्लेख गर्दै शोकलाई शक्तिमा र निराशालाई आशामा बदल्दै अघि बढ्न आग्रह गरेका छन्।

सन्देशमा पूर्वराजा शाहले देशको राजनीतिक, संवैधानिक, न्यायिक, आर्थिक, सामाजिक र प्रशासनिक क्षेत्र अव्यवस्था र अन्योलमा रहेको भन्दै चिन्ता जनाएका छन्।

विपद्ले क्षति पुर्‍याएका संरचनाको पुनर्निर्माण र पीडित नागरिकको पुनःस्थापनाका लागि बाह्य सहयोग लिँदा सचेत रहन पनि उनले आग्रह गरेका छन्।

यसै वर्ष असोजमा परेको अविरल वर्षा र भदौमा भोटेकोशीमा आएको बाढीलगायत विपद्मा ठूलो जनधनको क्षति भएको छ। यस्तै अवस्थाबीच दसैँ मनाइँदै गर्दा पूर्वराजाले शुभकामना सन्देश सार्वजनिक गरेका हुन्।