मालपोत भक्तपुरका नायब सुब्बा आचार्यसहित ६ जनाविरुद्ध पौने १० करोडको भ्रष्टाचार र सम्पत्ति शुद्धीकरण मुद्दा

अख्तियार दुरुपयोग अनुसन्धान आयोगले मालपोत कार्यालय भक्तपुरका नायब सुब्बा यदुनाथ आचार्यसहित ६ जनाविरुद्ध विशेष अदालतमा आरोपपत्र दायर गरेको छ।

आयोगले उनीहरूमाथि गैरकानुनी रूपमा सम्पत्ति आर्जन गरी भ्रष्टाचार गरेको र सम्पत्ति शुद्धीकरणसम्बन्धी कसुर गरेको आरोप लगाएको छ। मुद्दामा करिब पौने १० करोड रुपैयाँ बराबरको अवैध सम्पत्ति आर्जन गरेको दाबी गरिएको छ।

नेपाल प्रेसका अनुसार प्रतिवादी बनाइएका ६ जनामा नायब सुब्बा आचार्यकी पत्नी र छोरी पनि छन्।

आयोगले आचार्यले गैरकानुनी रूपमा आर्जन गरेको भनिएको सम्पत्तिमा परिवारका सदस्यसमेत संलग्न रहेको आरोपसहित मुद्दा दायर गरेको हो।