सचिवहरूको बैठक: वार्षिक कार्ययोजना र नीति तथा कार्यक्रम प्रभावकारी कार्यान्वयन गर्न सबै मन्त्रालयलाई निर्देशन

सरकारले चालु आर्थिक वर्ष २०८३/८४ को वार्षिक कार्ययोजना र नीति तथा कार्यक्रमको प्रभावकारी कार्यान्वयन गर्न सबै मन्त्रालय तथा सरकारी निकायलाई निर्देशन दिएको छ।

सिंहदरबारमा बसेको सचिवहरूको बैठकले यस्तो निर्देशन दिएको हो। बैठकले नागरिकले सरल, सहज र प्रभावकारी ढंगले सेवा पाउने सुनिश्चित गर्न नागरिकसँग प्रत्यक्ष सरोकार राख्ने कार्यालयहरूमा एकल बिन्दु सेवाको प्रबन्ध गर्नुपर्ने निर्देशन पनि दिएको छ।

बैठकले यसरी नागरिकमैत्री सेवा प्रवाह गर्नुपर्नेमा जोड दिएको थाहाखबरले जनाएको छ।

चालु आर्थिक वर्षका लागि तय गरिएका कार्यक्रम समयमै कार्यान्वयन गर्न मन्त्रालय र मातहतका निकायलाई यो निर्देशन दिइएको हो।