बागलुङमा बाढीपहिरोबाट मृत्यु हुनेको संख्या १२ पुग्यो, एक जना अझै बेपत्ता

बागलुङमा बाढीपहिरोमा परी मृत्यु हुनेको संख्या १२ पुगेको छ। पछिल्लो तीन दिनयता जिल्लाका विभिन्न स्थानमा गएको पहिरोले घर पुरिँदा १२ जनाको मृत्यु भएको हो। एक जना अझै बेपत्ता छन्।

गएको शुक्रबार, शनिबार र आइतबार परेको निरन्तरको वर्षापछि बागलुङका विभिन्न ठाउँमा पहिरो खसेको थियो। ताराखोला गाउँपालिका–५ सिपमा पनि पहिरोले घर पुरिएको थियो।

पहिरोका घटनामा घाइते हुनेहरू पनि छन्। एक घटनामा पुन थरका एक व्यक्तिकी श्रीमती, दुई छोरा र बुहारी सामान्य घाइते भएका छन्।

थाहाखबरका अनुसार बागलुङ र म्याग्दी जिल्ला गरी बाढीपहिरोमा परी मृत्यु हुनेको संख्या १९ पुगेको छ भने ३ जना बेपत्ता छन्।