क्यानको केन्द्रीय कार्यसमिति सदस्यमा गुञ्जन शाह ठकुरी मनोनीत

राष्ट्रिय खेलकुद परिषद् (राखेप) ले नेपाल क्रिकेट सङ्घ (क्यान) को केन्द्रीय कार्यसमिति सदस्यमा गुञ्जन शाह ठकुरीलाई मनोनीत गरेको छ।

क्यानको केन्द्रीय कार्यसमितिमा रिक्त रहेको सदस्य पदमा शाहलाई मनोनीत गरिएको हो। राखेपको असोज १ गतेको सदस्य–सचिव स्तरको निर्णयअनुसार उनलाई उक्त जिम्मेवारी दिइएको हो।

राखेपले नेपाल क्रिकेट सङ्घको केन्द्रीय कार्यसमितिको रिक्त पदपूर्तिका लागि यो मनोनयन गरेको हो। यससँगै शाह क्यानको केन्द्रीय कार्यसमितिमा सदस्यका रूपमा आबद्ध भएका छन्।

राष्ट्रिय खेलकुद परिषद् देशका खेलकुद संघहरूको नियामक निकाय हो।