आईजीपी कार्कीले बोलाए पीसीसी बैठक, सातै प्रदेशका प्रहरी प्रमुख काठमाडौं झिकाइए

प्रहरी महानिरीक्षक (आईजीपी) दानबहादुर कार्कीले प्रहरीको पोलिसी कोअर्डिनेसन कमिटी (पीसीसी) को बैठक बोलाएका छन्। आईजीपी कार्कीको नेतृत्वमा पीसीसीको बैठक प्रहरी हेडक्वार्टरमा बसेको छ।

नेपाल प्रेसका अनुसार प्रहरी हेडक्वार्टरले उपत्यका प्रहरी कार्यालयका प्रमुख एआईजीसहित सातवटै प्रदेशका प्रमुख डीआईजीलाई काठमाडौं झिकाएको छ। सरकारले प्रहरी प्रमुखसहित केही उच्च अधिकारीलाई पदमुक्त गर्ने चर्चा चलिरहेका बेला यो बैठक बोलाइएको उक्त सञ्चारमाध्यमले जनाएको छ।

बैठक बोलाइएको जानकारी प्रहरीका एक वरिष्ठ स्रोतले दिएको अनलाइनखबरले जनाएको छ। बैठकको कार्यसूचीबारे प्रहरी हेडक्वार्टरले आधिकारिक रूपमा केही सार्वजनिक गरेको छैन।

पीसीसी प्रहरी संगठनका नीतिगत विषयमा समन्वय गर्ने उच्चस्तरीय संयन्त्र हो। बैठक जारी रहेको नेपाल प्रेसले जनाएको छ।