एनपीएल: आज जनकपुर–काठमाडौं र कर्णाली–विराटनगर भिड्दै

नेपाल प्रिमियर लिग (एनपीएल) को तेस्रो संस्करणअन्तर्गत आज बिहीबार दुई खेल हुँदैछन्। कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने पहिलो खेलमा जनकपुर बोल्ट्स र काठमाडौं गोर्खाज भिड्नेछन्।

दोस्रो खेलमा कर्णाली याक्स र विराटनगर किङ्स आमनेसामने हुनेछन्। आफ्नो पहिलो खेलमा कर्णाली याक्ससँग पराजित जनकपुर यो खेलमा जित निकाल्ने लक्ष्यमा छ भने काठमाडौं यस सिजनको सुखद सुरुवात गर्न चाहन्छ। कर्णाली दोस्रो जितको खोजीमा छ भने विराटनगरका लागि पुनरागमनको चुनौती छ।

यसैबीच जनकपुर बोल्ट्सले दुई पाकिस्तानी खेलाडीको स्थानमा बंगलादेशका ब्याटर सैफ हसन र परभेज हुसेन इमोनलाई अनुबन्ध गरेको छ।

आज हुने दुवै खेललाई मौसमले प्रभावित पार्न सक्ने सम्भावना देखिएको छ। विशेषगरी साँझको खेल प्रभावित हुन सक्ने बताइएको छ।