मेची करिडोरको बेलासे–गोलाखर्क भञ्ज्याङ खण्डको ठेक्का तोडियो

सडक डिभिजन कार्यालय, इलामले मेची करिडोरअन्तर्गत बेलासे–गोलाखर्क भञ्ज्याङ सडकखण्डको ठेक्का सम्झौता अन्त्य गरेको छ। लामो समयदेखि काम अलपत्र पारेको भन्दै कार्यालयले बुधबार निर्माण कम्पनी सक्षम जेभीको ठेक्का तोडेको हो।

मेची करिडोर (केचना–कञ्चनजङ्घा सडक) अन्तर्गत यस खण्डमा ९.५ किलोमिटर सडक स्तरोन्नति गर्ने ठेक्का दिइएको थियो। रातोपाटीका अनुसार पाँच वर्षमा जम्मा ४५ प्रतिशत मात्र काम भएको थियो। अन्य सञ्चारमाध्यमका अनुसार यो सडकखण्डको काम तीन वर्षदेखि अलपत्र थियो।

ठेकेदारलाई पटक–पटक म्याद थप गरिए पनि निर्माणमा सन्तोषजनक प्रगति भएन। त्यसपछि सडक डिभिजन कार्यालय, इलामले ठेक्का सम्झौता अन्त्य गर्ने निर्णय गरेको हो।