मधेश प्रदेशमा पहिलोपटक आकाशे पुल: महेन्द्रनगरमा दुई पुल निर्माण सम्पन्न, तेस्रो निर्माणाधीन

जनकपुरधाम–ढल्केवर छ लेन व्यापारिक सडकअन्तर्गत धनुषाको क्षीरेश्वरनाथ नगरपालिका–५ स्थित महेन्द्रनगर बजारमा निर्माणाधीन दुई वटा आकाशे पुलको निर्माण सम्पन्न भएको छ।

मधेश प्रदेशमा पहिलोपटक आकाशे पुल निर्माण गरिएको हो। सडकमा पैदल यात्रुको चाप बढी हुने स्थानमा यी पुल बनाइएका छन्।

सोही सडकखण्डमा तेस्रो आकाशे पुल पनि निर्माणाधीन छ। तेस्रो पुल बनाउने काम अन्तिम चरणमा पुगेको जनाइएको छ।

जनकपुरधाम–ढल्केवर सडकलाई छ लेनमा विस्तार गर्ने कामअन्तर्गत यी आकाशे पुल निर्माण गरिएका हुन्।