सुपर टाइफुन चाम्पी ताइवानतर्फ, पूर्वी एसियामा सयौँ उडान रद्द

प्रशान्त महासागरमा बनेको शक्तिशाली समुद्री आँधी 'सुपर टाइफुन चाम्पी' ताइवानतर्फ अघि बढेपछि पूर्वी एसियामा सयौँ हवाई उडान रद्द गरिएका छन्। रद्द भएका उडानको संख्या ६ सयभन्दा बढी पुगेको देशसञ्चारले जनाएको छ।

आँधी शुक्रबार ताइवानको तटमा ठोक्किने सम्भावना रहेपछि ताइवानलाई उच्च सतर्कतामा राखिएको छ। आँधीका क्रममा प्रतिघण्टा १७३ किलोमिटरसम्मको वेगमा हावा चल्ने आशंका गरिएको छ।

उक्त आँधी जापानसम्म पुग्ने अनुमान गरिएको छ। आँधी नजिकिँदै गर्दा ताइवान र जापानमा हवाई सेवा प्रभावित भएको र दुवै देशमा दर्जनौँ उडान रद्द गरिएको बीबीसीले जनाएको छ।

आँधीको जोखिमलाई ध्यानमा राख्दै ताइवानमा सुरक्षाका उपाय अपनाइएको छ। आँधी अघि बढ्दै गर्दा पूर्वी एसियाका विभिन्न विमानस्थलबाट हुने उडानमा असर परेको छ।