विश्वकप लिग–२ : त्रिकोणात्मक शृङ्खला खेल्न नेपाली क्रिकेट टोली ओमान प्रस्थान

आईसीसी क्रिकेट विश्वकप लिग–२ अन्तर्गत हुने त्रिकोणात्मक शृङ्खला खेल्न नेपाली राष्ट्रिय पुरुष क्रिकेट टोली गएराति ओमान प्रस्थान गरेको छ।

यो शृङ्खलामा आयोजक ओमान, क्यानडा र नेपालबीच प्रतिस्पर्धा हुनेछ। शृङ्खला एकदिवसीय ढाँचामा हुनेछ।

प्रस्थानअघि असोज १८ गते काठमाडौँमा आयोजित एक कार्यक्रममा नेपाल क्रिकेट सङ्घ (क्यान) ले टोलीलाई बिदाइ गरेको थियो।

विश्वकप लिग–२ आईसीसीको एकदिवसीय विश्वकप छनोट प्रक्रियाअन्तर्गतको प्रतियोगिता हो। यसअन्तर्गत नेपालले ओमानमा क्यानडा र आयोजक ओमानविरुद्ध खेल्नेछ।