पछिल्लो २४ घण्टामा देशभर विपद्का १९ घटना, १२ जना घाइते

पछिल्लो २४ घण्टामा देशभर विपद्का १९ वटा घटना भएका छन्। ती घटनामा परी १२ जना घाइते भएका छन्।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले विपद्का घटनाको यो विवरण सार्वजनिक गरेको हो।

प्राधिकरणका अनुसार विभिन्न जिल्लामा भएका यी घटनामा घाइते भएकाहरूको उपचार भइरहेको छ। प्राधिकरणले देशभरका विपद्का घटनाको विवरण नियमित रूपमा अद्यावधिक गर्दै आएको छ।

मनसुन बाहिरिने क्रममा रहेका बेला पनि देशका विभिन्न भागमा वर्षा भइरहेका कारण विपद्का घटना भइरहेका छन्।