प्रतिनिधिसभा बैठक आज, मेलमिलापसम्बन्धी संशोधन विधेयक समितिमा पठाउने प्रस्ताव

सङ्घीय संसद्, प्रतिनिधिसभाको बैठक आज बुधबार अपराह्न १ बजे सिंहदरबारमा बस्दै छ।

बैठकमा कानुन, न्याय तथा संसदीय मामिला मन्त्री सोविता गौतमले ‘मेलमिलापसम्बन्धी (दोस्रो संशोधन) विधेयक, २०८३’ लाई दफावार छलफलका लागि सम्बन्धित समितिमा पठाउन प्रस्ताव पेस गर्ने कार्यसूची छ।

आजको बैठकमा विभिन्न मन्त्रालयअन्तर्गतका विधेयकहरूलाई दफावार छलफलका लागि सम्बन्धित समितिमा पठाउने प्रस्ताव पेस गरिने सम्भावित कार्यसूची रहेको छ।

दफावार छलफलका लागि समितिमा पठाइएका विधेयकमाथि सम्बन्धित समितिमा विस्तृत छलफल हुने संसदीय प्रक्रिया छ। प्रतिनिधिसभाको पछिल्ला बैठकहरूमा विभिन्न विधेयक पेस हुने र समितिमा पठाउने क्रम जारी छ।