सिन्धुलीको बीपी राजमार्गमा जिप दुर्घटना, काभ्रेका ८ जना घाइते

सिन्धुलीको सुनकोशी गाउँपालिका–३ गणेशथानस्थित बीपी राजमार्गमा जिप दुर्घटना हुँदा आठ जना घाइते भएका छन्।

प्रहरीका अनुसार बुधबार बिहान करिब साढे ८ बजे काभ्रेपलाञ्चोकबाट रामेछापतर्फ जाँदै गरेको बा.प्र.०१–०३१ च ९७४९ नम्बरको स्कार्पियो जिप अनियन्त्रित भई सडकबाट करिब २० मिटर तल खसेको थियो।

दुर्घटनामा घाइते भएका सबै जना काभ्रेपलाञ्चोकको बेथानचोक गाउँपालिका–१ का बासिन्दा हुन्।

प्रहरीले दुर्घटनाबारे थप अनुसन्धान गरिरहेको छ।