बडादसैँमा पनि रोकिएन रोजगारी र अध्ययनका लागि विदेशिने युवाको लर्को

नेपालीहरूको प्रमुख पर्व बडादसैँमा पनि रोजगारी, अध्ययन तथा अन्य कामका लागि विदेश जाने क्रम जारी छ।

दसैँको रमाइलो, परिवारसँगको भेटघाट र मान्यजनबाट टीका तथा जमरा थाप्ने बेलामा पनि युवाहरूको विदेश यात्रा रोकिएको छैन। विजयादशमीको भोलिपल्ट, दसैँको दोस्रो दिन पनि विदेश जाने युवाको लर्को देखिएको छ।

रोजगारीका लागि विदेश जान लागेका सिरहाका लखनकुमार यादवले नेपालमा पर्याप्त रोजगारीका अवसर नभएकाले विदेश जानुपरेको बताए।

परिवारसँग दसैँ मनाउने बेलामा पनि युवाहरू रोजगारी र अध्ययनका लागि घर छोडेर विदेश गइरहेका छन्।