मलेसियाले नेपालको प्रस्ताव अस्वीकार गर्‍यो, नेपाली कामदार जान अघोषित रूपमा बन्द

मलेसिया सरकारले सबै इजाजतप्राप्त म्यानपावर कम्पनीलाई नेपाली कामदार पठाउन दिने नेपालको प्रस्ताव अस्वीकार गरेको छ। मलेसियाले यसबारे युवा, श्रम तथा रोजगार मन्त्रालयलाई पत्र पठाएको हो।

मलेसियाले २५ वटा निश्चित म्यानपावर कम्पनीमार्फत मात्र कामदार लैजाने गरी संयन्त्र बनाउन खोजेको थियो। नेपालले यसको विरोध गर्दै सबै इजाजतप्राप्त कम्पनीलाई कामदार पठाउन दिनुपर्ने प्रस्ताव गरेको थियो।

दुई देशबीच यो विषयमा सहमति नहुँदा मलेसियामा नेपाली कामदार जान अघोषित रूपमा बन्द भएको छ। मलेसियामा झन्डै पाँच लाख नेपाली कार्यरत छन्।

रोजगारीका लागि मलेसिया जाने तयारीमा रहेका कामदारका लागि यो विषय महत्त्वपूर्ण छ। मलेसिया रोजगारी फेरि खुलाउन पहल भइरहेको बिजमाण्डूले जनाएको छ।