मुस्ताङ भन्सार कार्यालयले तीन महिनामा ८ अर्ब ३२ करोड राजस्व सङ्कलन गर्‍यो

मुस्ताङ भन्सार कार्यालयले चालु आर्थिक वर्षको तीन महिनामा रु आठ अर्ब ३२ करोड ८३ लाख राजस्व सङ्कलन गरेको छ।

उक्त भन्सार कार्यालय नेपाल–चीन उत्तरी कोरला नाकास्थित लोमान्थाङ–४ न्हेचुङमा रहेको छ।

कोरला नाका नेपाल र चीनबीचको उत्तरी नाका हो। यही नाकामा रहेको मुस्ताङ भन्सार कार्यालयले चालु आर्थिक वर्षको पहिलो तीन महिनामा आठ अर्बभन्दा बढी राजस्व सङ्कलन गरेको हो।

भन्सार कार्यालयका अनुसार यो अवधिमा सङ्कलित कुल राजस्व रकम रु आठ अर्ब ३२ करोड ८३ लाख पुगेको छ।