नेपाल टेलिकमको ३० एमबिपिएस फाइबर इन्टरनेट वार्षिक ४ हजार ९९९ रुपैयाँमा

सरकारी स्वामित्वको नेपाल टेलिकमले आजदेखि सस्तो दरमा फाइबर इन्टरनेट सेवा उपलब्ध गराउने भएको छ। टेलिकमले वार्षिक चार हजार ९९९ रुपैयाँमा ३० एमबिपिएस गतिको इन्टरनेट सेवा दिने जनाएको छ।

यो सेवा आजदेखि नै लागू भएको हो। फाइबर प्रविधिमा आधारित यो प्याकेजमार्फत ग्राहकले ३० एमबिपिएस गतिमा इन्टरनेट सेवा पाउनेछन्।

निजी क्षेत्रका इन्टरनेट सेवा प्रदायकले सुलभ दरका साना प्याकेज बजारमा ल्याइरहेका बेला सरकारी स्वामित्वको टेलिकमले यो प्याकेज सार्वजनिक गरेको हो।

नेपाल टेलिकम देशको सरकारी स्वामित्वको प्रमुख दूरसञ्चार सेवा प्रदायक हो। यसले मोबाइल, ल्यान्डलाइन र इन्टरनेट सेवा सञ्चालन गर्दै आएको छ।