नोबेल शान्ति पुरस्कार नपाएपछि ट्रम्पद्वारा नर्वेको आलोचना, आप्रवासीलाई स्वागत नगर्ने अभिव्यक्ति

अमेरिकी राष्ट्रपति डोनाल्ड ट्रम्पले नर्वेका आप्रवासीलाई अमेरिकामा स्वागत नगर्ने बताएका छन्। मध्यावधि चुनावका लागि आयोजित सभालाई सम्बोधन गर्ने क्रममा उनले यस्तो अभिव्यक्ति दिएका हुन्।

पोर्ट ह्युरनमा भएको सभामा राष्ट्रपति ट्रम्पले नर्वेको आलोचना गर्दै उसलाई 'वास्तवमै फोहोर राज्य' बनेको टिप्पणी गरेका थिए। उनको यो अभिव्यक्तिलाई नोबेल शान्ति पुरस्कारसँग जोडेर हेरिएको छ।

समाचारअनुसार ट्रम्पले नोबेल शान्ति पुरस्कार नपाएको सन्दर्भमा नर्वेमाथि यस्तो आलोचना गरेका हुन्। नोबेल शान्ति पुरस्कार नर्वेबाट प्रदान गरिन्छ।

चुनावी सभामा राष्ट्रपति ट्रम्पले नर्वेका आप्रवासीलाई अमेरिकामा स्वागत नगरिने बताएपछि उनको अभिव्यक्ति चर्चामा आएको छ।