भोटेकोशीको बाढीले पुल बगाएपछि स्याफ्रुबेँसीमा बेलिब्रिज निर्माण तीव्र, तिहारअघि सञ्चालनको लक्ष्य

रसुवाको स्याफ्रुबेँसीमा सवारी साधन आवतजावत गर्न सक्ने 'बेलिब्रिज' निर्माणको काम तीव्र गतिमा अघि बढेको छ। यो पुल तिहारअघि नै सञ्चालनमा ल्याउने लक्ष्य राखेर काम भइरहेको छ।

गत भदौ १० गते भोटेकोशीमा आएको बाढीले धुन्चे–स्याफ्रुबेँसी जोड्ने पक्की पुल बगाएको थियो। पक्की पुल बगेपछि यातायात सहज बनाउन नयाँ बेलिब्रिज निर्माणको काम तीव्र पारिएको हो।

राष्ट्रिय विपद् जोखिम न्यूनीकरण तथा व्यवस्थापन प्राधिकरण र स्थानीय प्रशासनको समन्वयमा बेलिब्रिज बनाइँदै छ। पैदल यात्री मात्र होइन, सवारी साधन पनि आवतजावत गर्न सक्ने गरी पुल बनाइँदै छ।

तिहारअघि बेलिब्रिज सञ्चालनमा आएमा भोटेकोशीको बाढीपछि अवरुद्ध धुन्चे–स्याफ्रुबेँसी खण्डमा सवारी साधनको आवतजावत फेरि सुरु हुनेछ।