संघीय संसद्का दुवै सदनको बैठक आज, प्रधानमन्त्री शाहले आयोगको प्रतिवेदन पेस गर्ने

संघीय संसद्का दुवै सदनको बैठक आज बिहीबार बस्दैछ। प्रतिनिधिसभाको बैठक बिहान ११ बजे र राष्ट्रियसभाको बैठक अपराह्न १:१५ बजे सिंहदरबारमा बस्नेछ।

प्रतिनिधिसभाको बैठकमा प्रधानमन्त्री वालेन्द्र शाहको तर्फबाट कानुन, न्याय तथा संसदीय मामिलामन्त्री सोविता गौतमले विधेयक प्रस्तुत गर्ने कार्यसूची छ। प्रधानमन्त्री शाहले आदिवासी जनजाति आयोगको आर्थिक वर्ष २०८०/८१ को वार्षिक प्रतिवेदन सभासमक्ष पेस गर्ने कार्यसूची पनि रहेको छ।

बैठकमा राज्य व्यवस्था तथा सुशासन समितिका सभापति हरि ढकालले ‘संवैधानिक निकायका पदाधिकारीहरुको पारिश्रमिक, सेवाको सर्त र सुविधासम्बन्धी (पहिलो संशोधन) विधेयक’ सम्बन्धी समितिको प्रतिवेदन प्रस्तुत गर्नेछन्।

यस्तै, राष्ट्रियसभाको बैठकमा मन्त्री बादीले सदस्यहरूले सोधेका मौखिक प्रश्नको उत्तर दिने कार्यसूची रहेको छ।