पश्चिमी न्यून चापीय प्रणालीको प्रभाव : आज र भोलि वर्षा तथा हिमपातको सम्भावना

आज र भोलि देशका विभिन्न स्थानमा वर्षा तथा हिमपातको सम्भावना रहेको छ। नेपाल मौसम विज्ञान विभागअन्तर्गतको मौसम पूर्वानुमान महाशाखाले यस्तो जानकारी दिएको हो।

पश्चिमी न्यून चापीय प्रणालीको आंशिक प्रभावका कारण वर्षा र हिमपातको सम्भावना बनेको विभागले जनाएको छ। केही स्थानमा मेघगर्जनसहित वर्षा हुन सक्ने पूर्वानुमान छ।

विभागले सम्भावित वर्षा र हिमपातलाई ध्यानमा राख्दै सर्वसाधारणलाई सतर्क रहन आग्रह गरेको छ।

पश्चिमी न्यून चापीय प्रणालीको आंशिक प्रभाव आज र भोलि दुवै दिन रहने भएकाले विभिन्न स्थानमा मौसम बदली हुने देखिएको छ। विभागले मौसमसम्बन्धी पूर्वानुमान नियमित रूपमा सार्वजनिक गर्दै आएको छ।