भदौमा मूल्यवृद्धि ६.३४ प्रतिशत पुग्यो, फलफूलको भाउ सबैभन्दा धेरै बढ्यो

चालु आर्थिक वर्षको दोस्रो महिना भदौमा नेपालको वार्षिक उपभोक्ता मुद्रास्फीति ६.३४ प्रतिशत पुगेको छ। अघिल्लो महिना यो दर ५.९६ प्रतिशत थियो।

भदौमा फलफूलको मूल्य सबैभन्दा धेरै बढेको छ। फलफूलको भाउ बढेकाले महँगी ६.३४ प्रतिशत पुगेको हो।

गत वर्ष उपभोक्ता मुद्रास्फीति १.८७ प्रतिशत मात्र थियो। यसले गत वर्षको तुलनामा यस वर्ष महँगीको चाप उल्लेख्य रूपमा बढेको देखाउँछ।