हिल्सामा भारी हिमपात, कैलाश मानसरोवर यात्रामा गएका ४१ नेपाली अलपत्र

हुम्लाको उत्तरी सीमानाका हिल्सामा लगातारको वर्षा र भारी हिमपातका कारण ४१ नेपाली अलपत्र परेका छन्। हिमपातले कैलाश मानसरोवर यात्रामा असर परेको छ।

हिमपातले हिल्सा–ताक्लाकोट आवतजावत प्रभावित भएपछि उनीहरू हिल्सामै रोकिएका हुन्।

उनीहरू गत शुक्रबार हिल्सा पुगेका थिए। हिमपात सुरु भएपछि उनीहरू नाकामै रोकिएको बताइएको छ।

हिल्सा हुम्लाको उत्तरी सीमामा पर्ने नाका हो। कैलाश मानसरोवर जाने यात्रुहरू हिल्सा हुँदै ताक्लाकोट जाने गर्छन्।