उत्तर कोरियाद्वारा जापानको सागरतर्फ धेरै ब्यालेस्टिक मिसाइल प्रहार

उत्तर कोरियाले सोमबार जापानको सागरतर्फ धेरै ब्यालेस्टिक मिसाइल प्रहार गरेको छ। दक्षिण कोरियाले यस्तो जानकारी दिएको हो।

दक्षिण कोरियाली सेनाको संयुक्त चिफ अफ स्टाफका अनुसार मिसाइलहरू स्थानीय समयअनुसार बिहान ९:२० बजे प्योङयाङ क्षेत्रबाट प्रक्षेपण गरिएका थिए। तीमध्ये केही मिसाइलले ९०० किलोमिटरभन्दा बढी दूरी पार गरेका छन्।

दक्षिण कोरियासँगको सीमामा बारुदी सुरुङ विस्फोट भएपछि दुई देशबीच तनाव बढिरहेका बेला यो प्रक्षेपण गरिएको हो।

प्रक्षेपण गरिएका मिसाइलको संख्या र प्रकारबारे थप विवरण भने सार्वजनिक भएको छैन।