हाल देशभर मनसुनी वायुको आंशिक प्रभाव रहेको छ। कोशी, बागमती र गण्डकी प्रदेशका पहाडी भूभागमा भारी वर्षाको सम्भावना छ। काठमाडौँको अधिकतम तापक्रम २७ डिग्री सेल्सियस पुग्नेछ।

जल तथा मौसम विज्ञान विभागका अनुसार, हाल देशभर मनसुनी वायुको प्रभाव छ। साथै पश्चिमी वायुको आंशिक प्रभाव परेको छ। मनसुनको न्यून चापीय रेखा, सरदर स्थानभन्दा दक्षिणतर्फ छ।

आज देशभर साधारणतया, बदली रहने पूर्वानुमान छ। कोशी, बागमती, गण्डकी, लुम्बिनी र सुदूरपश्चिमका हिमाली भूभागमा, वर्षाको सम्भावना छ। कर्णालीका हिमाली भूभागमा, मेघगर्जनसहित हिमपातको सम्भावना छ।

कोशी, बागमती, गण्डकी र सुदूरपश्चिमका पहाडी भूभागमा, भारी वर्षाको सम्भावना छ। सुदूरपश्चिमका तराई भूभागका केही स्थानमा, वर्षाको सम्भावना छ। मधेश, कोशी, बागमती, गण्डकी र लुम्बिनीका तराईमा, चट्याङ्गसहित मध्यम वर्षाको सम्भावना छ।

काठमाडौँको अधिकतम तापक्रम, २७ डिग्री सेल्सियस रहने अनुमान छ। यहाँ ४० प्रतिशत वर्षाको सम्भावना छ। पोखराको अधिकतम तापक्रम, २८ डिग्री सेल्सियस रहने अनुमान छ।

त्यहाँ ६० प्रतिशत वर्षाको सम्भावना छ। नेपालगञ्ज र जनकपुरको अधिकतम तापक्रम, ३३ डिग्री सेल्सियस पुग्ने अनुमान छ। विराटनगरको ३२ र वीरेन्द्रनगरको ३१ डिग्री सेल्सियस, तापक्रम रहने अनुमान छ।

भोलि कोशी, बागमती र गण्डकीका हिमाली भूभागमा, वर्षा र हिमपातको सम्भावना छ।