बुढीगण्डकीको बाढीले गोरखाको शान्तिबजार उजाडियो, घरबारविहीन परिवार पालमुनि

बुढीगण्डकी नदीमा असोज २५ गते आएको बाढीले गोरखाको आरुघाट गाउँपालिका–५ स्थित शान्तिबजार बस्तीमा ठूलो क्षति पुर्‍याएको छ।

बाढीले बस्तीका घरहरू भत्काएको छ। घरसँगै खाद्यान्न र लत्ताकपडासमेत बाढीले क्षति पुर्‍याएको छ।

बाढीपछि घरबास गुमाएका परिवार अहिले पालमुनि आश्रय लिएर बस्न बाध्य भएका छन्। बाढी गएको करिब दुई साता बितिसक्दा पनि प्रभावित परिवार अस्थायी बासमै छन्।

बुढीगण्डकी नदी किनारमा रहेको शान्तिबजार बस्ती बाढीका कारण उजाड बनेको स्थानीय अवस्थाबारे सञ्चारमाध्यमले तस्बिरसहित विवरण सार्वजनिक गरेका छन्।