झापाको शिवसताक्षीमा निर्माण कम्पनीको भूमिगत डिजेल ट्यांकी पड्किएर आगलागी, एक जना घाइते

झापाको शिवसताक्षी नगरपालिका–१० टेक्रामा भूमिगत डिजेल ट्यांकी पड्किएर आगलागी भएको छ। घटनामा एक जना घाइते भएका छन्।

आगलागी आइतबार राति पार्वती अम्बिका कन्स्ट्रक्सन कम्पनीको परिसरमा भएको हो। त्यहाँ कम्पनीले राखेको डिजेल भण्डार रहेको भूमिगत ट्यांकी पड्किएपछि आगो लागेको थियो।

घाइतेको नाम र अवस्था खुलेको छैन। आगलागीबाट भएको क्षतिको विवरण पनि आइसकेको छैन।