फ्रान्समा हिंसात्मक प्रदर्शन: म्याक्रोंले गृहमन्त्रीको राजीनामा अस्वीकार गरे, केही सहरमा आंशिक कर्फ्यु

फ्रान्सका राष्ट्रपति इमानुएल म्याक्रोंले देशव्यापी प्रदर्शन हिंसात्मक बनेपछि राजीनामा दिएका गृहमन्त्री लरेन्ट नुनेजको राजीनामा अस्वीकार गरेका छन्। महँगी, कमजोर सार्वजनिक सेवा र विद्यालयको अवस्थालाई लिएर सुरु भएको प्रदर्शन हिंसात्मक बनेको थियो।

प्रमुख सहरमा भएको तोडफोड र लुटपाटको जिम्मेवारी लिँदै गृहमन्त्री नुनेजले राजीनामा दिएका थिए। उनले प्रहरी र सुरक्षा निकायले केही स्थानमा परिस्थितिमाथिको नियन्त्रण गुमाएको स्वीकार गरेका थिए। राष्ट्रपति म्याक्रोंले पनि सुरक्षा व्यवस्थामा गम्भीर कमजोरी भएको स्वीकार गरेका छन्।

हिंसा, लुटपाट र तोडफोड नियन्त्रण गर्न सरकारले केही सहरलाई आंशिक कर्फ्यु लागू गर्ने अधिकार दिएको छ। प्रदर्शनका क्रममा करिब २ हजार व्यवसाय प्रभावित भएका छन्।

प्रदर्शन जारी रहेकै बेला राष्ट्रपति म्याक्रों खाडी भ्रमणमा निस्किएका छन्।