प्रिमियर लिग र बुन्डेसलिगा: आर्सनल र बायर्न शीर्षमै, लिड्सले टोटेनहमलाई हरायो

इङ्लिस प्रिमियर लिगमा आर्सनलले हल सिटीलाई १–० गोलले हराउँदै अंक तालिकाको शीर्ष स्थान कायम राखेको छ। पहिलो हाफ गोलरहित बराबरीमा सकिएको प्रतिस्पर्धात्मक खेलमा कप्तान मार्टिन ओडेगार्डले ७२औँ मिनेटमा गोल गर्दै टोलीलाई ३ अंक दिलाए। पराजित हल सिटी तालिकाको १३औँ स्थानमा झरेको छ।

अर्को खेलमा लिड्सले टोटेनहमलाई १–० ले पराजित गरेको छ। पहिलो हाफ गोलरहित रहेपछि घरेलु टोली लिड्सका लागि नोआ ओकाफोरले ७९औँ मिनेटमा एकमात्र गोल गरे। यो जितपछि लिड्स आठौँ स्थानमा उक्लिएको छ।

फुलहम र न्युकासल युनाइटेडबीचको खेल १–१ को बराबरीमा टुंगिएको छ। भ्रमणकारी न्युकासलका ज्याकोब मर्फीले ८०औँ मिनेटमा गोल गरे पनि तीन मिनेटपछि ८३औँ मिनेटमा फुलहमका रोड्रिगो मुनिजले बराबरी गोल गरे। फुलहम १५औँ स्थानमै छ।

जर्मन बुन्डेसलिगामा शनिबार बायर्न म्युनिखले माइन्जलाई २–१ गोलले हराएको छ। भ्रमणकारी टोली बायर्नलाई योसुवा किमिचले १४औँ मिनेटमै अग्रता दिलाए। दोस्रो हाफको ५७औँ मिनेटमा लेनार्ट कार्लले अग्रता दोब्बर बनाए।

माइन्जका फिलिप टिट्जले इन्जुरी समयको तेस्रो मिनेटमा एक गोल फर्काए। यो जितसँगै बायर्न बुन्डेसलिगाको शीर्ष स्थानमै छ।