पछिल्लो २४ घण्टामा देशभर सवारी दुर्घटनामा पाँच जनाको मृत्यु, ३१३ घाइते

पछिल्लो २४ घण्टामा देशका विभिन्न स्थानमा भएका सवारी दुर्घटनामा पाँच जनाको मृत्यु भएको छ। सोही अवधिमा भएका दुर्घटनामा ३१३ जना घाइते भएका छन्।

प्रहरी प्रधान कार्यालयका अनुसार काठमाडौँ, सुनसरी, मकवानपुर, मोरङ र तनहुँमा भएका दुर्घटनामा ती पाँच जनाको ज्यान गएको हो। घाइतेहरू देशका विभिन्न स्थानमा भएका दुर्घटनामा परेका हुन्।

यसैबीच, काठमाडौँको टेकुमा भएको सवारी दुर्घटनामा मृत्यु भएका व्यक्तिको पहिचान खुलेको छ।

दसैँका बेला यात्रा बढ्ने समयमा सवारी दुर्घटनामा परेर मृत्यु हुने र घाइते हुनेको संख्या प्रहरीले दैनिक रूपमा सार्वजनिक गर्दै आएको छ। प्रहरी प्रधान कार्यालयले जारी गरेको पछिल्लो विवरणमा यी तथ्यांक समेटिएका छन्।