सुनको मूल्य तोलामा ३ हजार रुपैयाँ बढ्यो, प्रतितोला २ लाख ८१ हजार ५ सय पुग्यो

नेपाली बजारमा सोमबार सुनको मूल्य बढेको छ। नेपाल सुनचाँदी व्यवसायी महासंघका अनुसार आज सुनको मूल्य अघिल्लो दिनको तुलनामा प्रतितोला ३ हजार रुपैयाँले बढेको हो।

महासंघले सोमबारका लागि सुनको मूल्य प्रतितोला २ लाख ८१ हजार ५ सय रुपैयाँ तोकेको छ। बजारमा आज सुन यही मूल्यमा किनबेच भइरहेको छ।

साताको पहिलो दिन सुनको मूल्यमा ठूलो गिरावट आएको थियो। हिजोसम्म घट्दै आएको सुनको भाउ आज एकै दिन ३ हजार रुपैयाँले बढेको हो।

महासंघका अनुसार अन्तर्राष्ट्रिय बजारमा भाउ निरन्तर घटेपछि दसैँको बेला नेपाली बजारमा पनि सुनको भाउ घटेको थियो। अब मूल्य फेरि बढ्न थालेको छ।