दिल्लीमा पक्राउ परेका ककरोच जनता पार्टीका दुई नेता सात दिनपछि तिहाड जेलबाट रिहा

भारतको दिल्लीमा एक साताअघि भएको प्रदर्शनका क्रममा पक्राउ परेका ‘ककरोच जनता पार्टी’ (सीजेपी) का दुई नेता रिहा भएका छन्।

पार्टीका नेता सौरभ दास र आशुतोष रंका सात दिनपछि बुधबार तिहाड जेलबाट छुटेका हुन्। यो प्रकरण जन्तरमन्तरमा भएको प्रदर्शनसँग जोडिएको छ।

बुधबार हिरासत अवधि सकिएपछि दुवैलाई विशेष कार्यकारी मजिस्ट्रेट (एसईएम) समक्ष उपस्थित गराइएको थियो। शान्ति कायम राख्ने लिखित प्रतिबद्धता जनाएपछि मजिस्ट्रेटले उनीहरूलाई जमानतमा रिहा गर्न आदेश दिएका हुन्।