यू–१९ महिला टी–२० विश्वकप: आयोजक नेपाल समूह ‘ए’ मा, भारत, आयरल्यान्ड र वेस्ट इन्डिजसँग भिड्ने

नेपाल र बंगलादेशले संयुक्त रूपमा आयोजना गर्न लागेको आईसीसी यू–१९ महिला टी–२० विश्वकप क्रिकेटमा आयोजक नेपाल समूह ‘ए’ मा परेको छ।

समूह ‘ए’ मा नेपालसँगै भारत, आयरल्यान्ड र वेस्ट इन्डिज छन्। यसअनुसार नेपालले समूह चरणमा यी तीन टोलीसँग खेल्नेछ।

प्रतियोगिताका १५ खेल नेपाली मैदानमा सञ्चालन हुने भएका छन्। सेतोपाटीका अनुसार यी १५ खेल काठमाडौंमा हुनेछन्, र नेपाल र भारतबीचको खेल पनि काठमाडौंमै हुनेछ।

अन्तर्राष्ट्रिय क्रिकेट परिषद् (आईसीसी) अन्तर्गत हुने यो प्रतियोगिता नेपालले बंगलादेशसँग मिलेर आयोजना गर्न लागेको हो। विश्वकपका बाँकी खेल बंगलादेशमा हुनेछन्।