दक्षिण कोरियासँगको सीमामा थप हतियार राख्ने उत्तर कोरियाको चेतावनी

उत्तर कोरियाले दक्षिण कोरियासँगको सीमामा थप हतियार तैनाथ गर्ने चेतावनी दिएको छ। लाउडस्पीकरबाट प्रचार प्रसारण पनि फेरि सुरु गर्ने उसले जनाएको छ।

खबरहबका अनुसार यो चेतावनी उत्तर कोरियाली नेता किम जोङ उनकी बहिनीले दिएकी हुन्।

सीमा क्षेत्रमा बारुदी सुरुङ विस्फोट र सैनिक गतिविधिसँग जोडिएको विषयमा यो चेतावनी आएको हो। दुई कोरियाबीचको सीमा क्षेत्र लामो समयदेखि संवेदनशील मानिँदै आएको छ।

यसैबीच, किम जोङ उनको मृत्यु भएको हल्ला सामाजिक सञ्जालमा फैलिएपछि उत्तर कोरियाले उनका नयाँ तस्बिर सार्वजनिक गरेको छ।