सेन्सरबाट पास भएको चलचित्र ‘पाँच पाण्डव’को प्रदर्शन रोक्न गृहमन्त्रीको निर्देशन

केन्द्रीय चलचित्र जाँच समितिबाट प्रदर्शनको अनुमति पाइसकेको नयाँ नेपाली चलचित्र ‘पाँच पाण्डव’को प्रदर्शन रोक्न गृह मन्त्रालयले निर्देशन दिएको छ।

धार्मिक विषयवस्तुलाई गलत ढङ्गले प्रस्तुत गरिएको भन्दै चलचित्र विवादमा आएको थियो। त्यसपछि गृहमन्त्रीले चलचित्रको प्रदर्शन रोक्न सूचना तथा सञ्चार मन्त्रालयलाई अनुरोध गरेका हुन्।

चलचित्र आउँदो शुक्रबारदेखि प्रदर्शनमा आउने तयारीमा थियो। प्रदर्शन हुनुभन्दा केही दिनअघि गृह मन्त्रालयको यो निर्देशन आएको हो।

सेन्सरबाट पास भइसकेको चलचित्रको प्रदर्शन रोक्न गृह मन्त्रालयले सिधै निर्देशन दिएको विषयलाई अनलाइनखबरले ‘ठाडो आदेश’ भनेर उल्लेख गरेको छ।