सेनेगलमा आप्रवासी बोकेको डुङ्गा दुर्घटना, कम्तीमा २१ जनाको मृत्यु

पश्चिम अफ्रिकी देश सेनेगलमा आप्रवासी बोकेको एउटा डुङ्गा दुर्घटनामा परी कम्तीमा २१ जनाको मृत्यु भएको छ। अधिकारीहरूले यो जानकारी दिएका हुन्।

डुङ्गा अफ्रिकादेखि युरोपसम्म पुग्ने एटलान्टिक महासागरको मार्गमा दुर्घटनामा परेको हो। यो मार्गलाई खतरनाक मानिन्छ।

दुर्घटनाबारे सेनेगलको गृह मन्त्रालयले जानकारी दिएको छ। स्रोतहरूले मृतकको संख्या कम्तीमा २१ भएको उल्लेख गरेका छन्।

अफ्रिकाबाट युरोप पुग्न आप्रवासीहरूले यही समुद्री मार्ग प्रयोग गर्ने गरेका छन्।