बसुन्धारामा कारले स्कुटरलाई ठक्कर दिँदा २७ वर्षीया महिलाको मृत्यु

काठमाडौंको बसुन्धारामा कारको ठक्करबाट स्कुटरमा सवार एक महिलाको मृत्यु भएको छ। मृत्यु हुने महिला २७ वर्षकी थिइन्।

प्रहरीका अनुसार आइतबार दिउँसो २ बजेर २० मिनेटमा काठमाडौं महानगरपालिका–३ स्थित सडकमा दुर्घटना भएको हो। नारायणगोपाल चोकबाट सामाखुशीतर्फ जाँदै गरेको कारले चक्रपथतर्फ आउँदै गरेको स्कुटरलाई ठक्कर दिएको थियो।

दुर्घटनामा स्कुटरमा पछाडि बसेकी दोलखा घर भएकी महिलाको मृत्यु भएको हो। प्रहरीले दुर्घटनाबारे थप अनुसन्धान गरिरहेको छ।