कपनमा विद्यालयका प्रधानाध्यापकमाथि कुटपिट, दुई जना पक्राउ

काठमाडौँको बूढानीलकण्ठ नगरपालिका–१० कपनस्थित बाल उद्धार माध्यमिक विद्यालयका प्रधानाध्यापकमाथि कुटपिट र शिक्षिकामाथि दुर्व्यवहार गरेको आरोपमा प्रहरीले दुई जनालाई पक्राउ गरेको छ।

पक्राउ पर्नेमा सुनसरीको वराहक्षेत्र नगरपालिका–७ घर भई काठमाडौँको कपन बस्ने ३६ वर्षीय निशान दाहाल र सिन्धुलीको दुधौली नगरपालिका–१ घर भई कपनमै बस्ने ४४ वर्षीय ध्रुवप्रसाद घिमिरे छन्।

उनीहरूमाथि विद्यालयभित्रै प्रधानाध्यापकलाई मुक्का र लात्ती प्रहार गरेको तथा शिक्षिकामाथि अभद्र व्यवहार गरेको आरोप छ।