एनपीएलमा सट्टेबाजी गराएको अभियोगमा भारतीय युवक पक्राउ

नेपाल प्रिमियर लिग (एनपीएल) को तेस्रो संस्करणमा सट्टेबाजी गराएको अभियोगमा एक भारतीय युवक पक्राउ परेका छन्। पक्राउ पर्ने युवक काठमाडौं महानगरपालिका–१७ ठमेलमा बस्दै आएका थिए।

पक्राउ पर्नेमा भारतको बिहार राज्यको भोजपुरका सोनु कुमार सिन्हा छन्। उनले विभिन्न अनलाइन बेटिङ साइटमार्फत ८९ लाख ८१ हजार ७ सय २९ रुपैयाँ बराबरको कारोबार गरेको खुलेको छ।

एनपीएलको तेस्रो संस्करण अहिले राजधानीमा भइरहेको छ। प्रतियोगिता चलिरहेकै बेला सट्टेबाजीको अभियोगमा पक्राउ परेको यो घटना सार्वजनिक भएको हो।

बिहीबार प्रतियोगिताअन्तर्गत कीर्तिपुरस्थित त्रिवि क्रिकेट मैदानमा जनकपुर बोल्ट्स र लुम्बिनी लायन्सबीच खेल भइरहेको छ।