भोटेकोशी बाढीपछि प्रधानमन्त्री राहत कोषमा मौज्दात १८ अर्ब ३७ करोड नाघ्यो

प्रधानमन्त्री राहत कोषको मौज्दात १८ अर्ब ३७ करोड रुपैयाँ नाघेको छ। रसुवाको भोटेकोशी बाढीपछि प्रधानमन्त्री दैवी प्रकोप उद्धार कोष र प्रधानमन्त्री राहत कोषमा आर्थिक सहयोग आउने क्रम अझै जारी छ।

प्रधानमन्त्री तथा मन्त्रिपरिषद्को कार्यालयले कोषको यो विवरण सार्वजनिक गरेको हो। बाढीपछि दुवै कोषमा विभिन्न पक्षबाट सहयोग आइरहेको छ।

भोटेकोशी बाढीबाट प्रभावित रसुवाका कतिपय बासिन्दा अझै काठमाडौंको होल्डिङ सेन्टरमा बसिरहेका छन्। केही प्रभावितले तिहारपछि आफ्नो थातथलो फर्किने तयारी गरेको बताएका छन्।

बाढीपछि उद्धार र राहतका लागि सरकारले यी कोषमा सहयोग संकलन गरिरहेको छ।