तीन महिनामा खानेपानीका ९२ आयोजनाको ठेक्का आह्वान, १३ लाख ७२ हजार नागरिक लाभान्वित हुने

चालु आर्थिक वर्ष २०८३/८४ को पछिल्लो तीन महिनामा खानेपानीका ९२ वटा आयोजनाको ठेक्का आह्वान गरिएको छ। भौतिक पूर्वाधार विकासमन्त्री सुनिल लम्सालले यसबारे जानकारी दिएका हुन्।

मन्त्रालयअन्तर्गत रहेर यी खानेपानी आयोजनाको ठेक्का प्रक्रिया अघि बढाइएको हो। सरकारले आर्थिक वर्षको सुरुवाती तीन महिनामै यति आयोजनाको ठेक्का आह्वान गरेको हो।

यी आयोजना सम्पन्न भएपछि विभिन्न जिल्लाका १३ लाख ७२ हजार नागरिकले स्वच्छ र सुरक्षित खानेपानी पाउनेछन्। आयोजनाहरू आगामी ३० महिनाभित्र सम्पन्न गर्ने लक्ष्य राखिएको छ।