जग्गाको धनीपुर्जा माग्दै झापामा ६० हजार ५७० परिवारको आवेदन

झापामा जग्गाको धनीपुर्जा माग्दै ६० हजार ५७० परिवारले आवेदन दिएका छन्।

भूमि समस्या समाधान समितिले जग्गा प्राप्तिका लागि भूमिहीन, सुकुमवासी तथा अव्यवस्थित बसोबासी गरी ६० हजार ५७० परिवारको निवेदन दर्ता भएको जनाएको हो। समितिले बिहीबार यस्तो जानकारी दिएको हो।

दर्ता भएका निवेदनमध्ये करिब ४१ हजार निवेदन अव्यवस्थित बसोबासीका रहेका छन्। बाँकी निवेदन भूमिहीन तथा सुकुमवासी परिवारका हुन्।

भूमिहीन, सुकुमवासी र अव्यवस्थित बसोबासीको समस्या समाधानका लागि गठित समितिले उनीहरूलाई जग्गा उपलब्ध गराउने प्रक्रियाअन्तर्गत निवेदन सङ्कलन गरेको हो। झापामा जग्गाको स्वामित्व माग्ने परिवारको सङ्ख्या ठूलो देखिएको छ।