सार्वजनिक खरिदमा आबद्ध श्रमिकको पारिश्रमिक तथा सामाजिक सुरक्षासम्बन्धी कार्यविधि स्वीकृत

सरकारले ‘सार्वजनिक खरिदमा आबद्ध श्रमिकको पारिश्रमिक तथा सामाजिक सुरक्षासम्बन्धी कार्यविधि, २०८३’ स्वीकृत गरेको छ।

कानुन, न्याय तथा संसदीय मामिलामन्त्री सोविता गौतमले कार्यविधि स्वीकृत भएको जानकारी दिएकी छन्।

कार्यविधिको नामअनुसार यो सार्वजनिक खरिदअन्तर्गतका काममा संलग्न श्रमिकको पारिश्रमिक र सामाजिक सुरक्षासँग जोडिएको छ। सार्वजनिक खरिदअन्तर्गत सरकारी निकायले ठेक्कामार्फत गराउने निर्माण तथा अन्य कामहरू पर्छन्।

कार्यविधिअनुसार श्रमिकले पाउने सुविधाका विस्तृत प्रावधानबारे सरकारले थप विवरण सार्वजनिक गर्न बाँकी छ।