दरबारमार्गस्थित लिक्विड लाउन्ज बारमा आगलागी, नियन्त्रणका लागि दमकल पुग्यो

काठमाडौंको दरबारमार्गमा महेन्द्र शालिकनजिकै रहेको लिक्विड लाउन्ज बारमा आगलागी भएको छ। आगलागी आइतबार, कात्तिक २२ गते बिहान भएको हो।

जिल्ला प्रहरी परिसर काठमाडौंका एसपी दानबहादुर थापाका अनुसार आगलागी बिहान ८ बजेर ५५ मिनेटमा सुरु भएको थियो। काठमाडौं उपत्यका प्रहरी कार्यालय रानीपोखरीले भने बिहान करिब ९ बजेतिर आगलागी भएको जनाएको छ।

आगो नियन्त्रणका लागि घटनास्थलमा दमकल पुगेको छ। आगलागीबाट भएको क्षतिबारे विस्तृत विवरण अहिलेसम्म आएको छैन।

महेन्द्र शालिक क्षेत्र काठमाडौंको व्यस्त व्यापारिक क्षेत्र दरबारमार्गमा पर्छ। प्रहरीले घटनाबारे थप जानकारी लिइरहेको छ।