जेन–जी आन्दोलनका क्रममा कारागारबाट फरार कैदी चन्द्र दमाई केसी एक वर्षपछि पक्राउ

जेन–जी आन्दोलनका क्रममा कारागारबाट फरार भएका कैदी चन्द्र दमाई केसी करिब एक वर्षपछि पक्राउ परेका छन्।

जिल्ला प्रहरी परिसर काठमाडौंका अनुसार ४६ वर्षीय केसीलाई २०८३ कात्तिक ३ गते बिहान ९:३० बजे तारकेश्वर नगरपालिका–६, धर्मस्थलीबाट पक्राउ गरिएको हो।

केसी मानव बेचबिखन तथा ओसारपसार मुद्दामा केन्द्रीय कारागार जगन्नाथदेवलमा कैद भुक्तान गरिरहेका थिए। २०८२ भदौ २४ को घटनाका क्रममा उनी कारागारबाट फरार भएका थिए।

फरार भएको करिब एक वर्षपछि प्रहरीले उनलाई धर्मस्थलीबाट नियन्त्रणमा लिएको हो। जिल्ला प्रहरी परिसर काठमाडौंले उनको पक्राउबारे जानकारी दिएको छ।