दसैँमा सवारी दुर्घटनाबाट १२४ जनाको मृत्यु, दुई हजार ९८८ घाइते

दसैँको अवधिमा देशभर भएका सवारी दुर्घटनामा परी १२४ जनाको मृत्यु भएको छ। प्रहरी प्रधान कार्यालयले दिएको जानकारीअनुसार ती दुर्घटनामा दुई हजार ९८८ जना घाइते भएका छन्।

केन्द्रीय प्रहरी प्रवक्ता, प्रहरी नायब महानिरीक्षक अविनारायण काफ्लेका अनुसार गत असोज २५ देखि कात्तिक ८ गतेसम्म देशभर एक हजार ३३९ सवारी दुर्घटना भएका थिए। मृत्यु हुनेमा पुरुष, महिला र बालबालिका रहेका छन्।

दसैँका बेला ठूलो संख्यामा मानिस घर जाने र फर्कने क्रममा सडकमा सवारी चाप बढ्ने गर्छ। यही अवधिमा भएका दुर्घटनाको विवरण प्रहरीले सार्वजनिक गरेको हो।

प्रहरी प्रधान कार्यालयले उक्त अवधिमा देशभर भएका सवारी दुर्घटना र त्यसबाट भएको मानवीय क्षतिको तथ्याङ्क सार्वजनिक गरेको हो।