जोर्डनको चर्चमा अन्त्येष्टिका बेला गोली प्रहार, सात जनाको मृत्यु

जोर्डनको काराक सहरको एउटा चर्चमा अन्त्येष्टि चलिरहेका बेला बन्दुकधारीहरूले गोली चलाउँदा सात जनाको मृत्यु भएको छ।

अधिकारीहरूका अनुसार घटनामा ४० जना घाइते भएका छन्। अनलाइनखबरका अनुसार भने काराक प्रान्तको हमूद क्षेत्रस्थित चर्चमा अन्त्यसंस्कार चलिरहेका बेला अज्ञात बन्दुकधारीहरूले अन्धाधुन्ध गोली चलाएका थिए। उक्त समाचारले कम्तीमा ७ जनाको मृत्यु भएको र ३४ जनाभन्दा बढी घाइते भएको जनाएको छ।

घाइतेको संख्याबारे स्रोतहरूमा फरक-फरक विवरण आएको छ। अन्त्येष्टिका लागि मानिसहरू चर्चमा भेला भएका बेला गोली चलेको थियो।

आक्रमणकारी को थिए र उनीहरूले किन आक्रमण गरे भन्ने विषय समाचारहरूमा खुलेको छैन।